सामुहिक लगानी र उच्चतम प्रतिफल लाई आत्मसाथ गर्दै मानव जिवनमा महत्वपूर्ण भूमिका खेल्ने शिक्षा,स्वास्थ्य,पर्यटन,कृषि,अर्थ तथा वित्त,संचार,व्यापार व्यबसाय,उर्जा र अनुसन्धान गरि ९ वटा महत्वपूर्ण बिषयगत परियोजनाका क्षेत्रमा लगानी बढाई आर्थिक सम्बृद्वि संग जोड्ने उदेश्यका साथ स्थापना गरिएको भिजन लुम्बिनी कम्पनि अन्तरगतको सहायक कम्पनि हो भिजन लुम्बिनी उर्जा कम्पनि । जलविद्युत क्षेत्रमा समेत लगानी गर्ने सोँच लिई भिजन लुम्बिनी उर्जा कम्पनीको स्थापना भई सो कम्पनीले २०७५ बैशाख ८ गते विद्युत विकास विभागवाट सर्वेक्षण पत्र प्राप्त गरेको थियो ।

जलश्रोतको अपार भण्डार, प्राकृतिक सम्पदाको मुहानसहित पर्यटकीय सौन्दर्यताले भरिपूर्ण, “नेपाल गरीब छैन, हामी धनी बनाएर सबैलाई आर्थिक समृद्धिसंग जोड्न चाहन्छौँ । यहि संभावनालाई आत्मसाथ गर्दै निर्माण गर्ने अभिप्रायले विभिन्न क्षेत्रमा समेटिनु भएका महानुभावहरुलाई एउटै मूलधारमा आबद्ध गरी नीजि क्षेत्रका उद्यमी, व्यवसायी, शिक्षक,कर्मचारी, स्वास्थ्यकर्मी तथा कृषकहरुसंग रहेको विविध बिषयको अनुभवलाई एकिकृत गरि बहुआयामिक तथा महत्वाकाक्षी उदेश्य बोकेको भिजन लुम्बिनी पब्लिक लिमिटेडको अभिन्न अंगको रुपमा स्थापित यो कम्पनीले यहाँहरुका अमूल्य सल्लाह , सुझाव र सहयोगको आधारमा छोटो समयमै उल्लेख्य कार्यहरु गर्न सफल भएको छ । 

हाल यस कम्पनीले कास्कीको माछापुच्छ्रे गाउँपालिका स्थित सेतीनदीमा देशका बिभिन्न स्थानमा रहनु भएका एक हजार बढी लगानीकर्ताहरुको सामुहिक लगानीमा २५ मेगावाटको सेतिनदी जलविद्युत आयोजना संचालन गरिरहेको छ । यो आयोजना नेपालकै एक पृथक पहिचान बोकेको नमूना आयोजना हो । हाम्रो निर्माणाधीन आयोजनाको अधिकांश संरचना माछापुच्छ्रे गाउँपालिकाको वडा नं. २ र यसको अलावा वडा नं. १,३,४ र पोखरा महानगर पालिकाको वडा नं. १९ को केहि भागमा रहेकाे छ ।